لاہور (پنجاب پوسٹ) پاکستان نے دنیا کو حیران کر دیا، ایشین گیمز میں اچانک میڈلز اور فتوحات کی بارش کر دی۔جاپان میں جاری بیسویں ایشین گیمز میں پاکستان نے اچانک ایسی رفتار پکڑی ہے کہ ایک کے بعد ایک بڑی کامیابی سامنے آ رہی ہے۔ ایک ہی روز پاکستان نے شوٹنگ میں کانسی کا تمغہ جیت لیا، سکواش کے فائنل میں پہنچ گیا، کرکٹ کے فائنل میں جگہ بنا لی اور والی بال میں انڈیا کو تین صفر سے شکست دے کر سیمی فائنل میں پہنچ گیا۔
یہ بھی پڑھیں:پاکستان اور سری لنکا کے درمیان ٹی ٹوئنٹی انٹرنیشنل سیریز کے ٹکٹوں کی فروخت کا اعلان
پاکستان کے غلام مصطفیٰ بشیر نے مردوں کے پچیس میٹر ریپڈ فائر پسٹل مقابلے میں کانسی کا تمغہ جیت کر پاکستان کے لیے ایشین گیمز کا میڈل حاصل کر لیا۔اس کے فوراً بعد اسکواش کورٹ سے بھی پاکستان کے لیے بڑی خبر آئی جہاں قومی ٹیم نے ہانگ کانگ، چین کو دو ایک سے شکست دے کر فائنل میں جگہ بنالی اور کم از کم چاندی کا تمغہ یقینی کر لیا۔
یہ بھی پڑھیں:پاکستان کرکٹ ٹیم میں اہم تبدیلیاں متوقع، ٹی ٹوئنٹی کپتانی میں تبدیلی کا امکان
کرکٹ میں پاکستان نے بنگلہ دیش کو سیمی فائنل میں چھ وکٹوں سے شکست دے کر فائنل میں رسائی حاصل کی۔دوسری جانب مردوں کے والی بال کے کوارٹر فائنل میں پاکستان نے روایتی حریف انڈیا کو تین صفر سے شکست دے کر سیمی فائنل میں جگہ بنالی۔
یہ بھی پڑھیں:پنجاب کبڈی ٹیم کے اوپن ٹرائلز یکم اکتوبر کو پنجاب اسٹیڈیم میں ہوں گے
یوں ایشین گیمز میں پاکستان کے لیے ایک ہی دن میں کامیابیوں کی ایسی قطار لگی ہے جس نے پاکستانی دستے کی مہم کی سنجیدگی ظاہر کر دی۔پاکستانی شائقین کے لیے ایشین گیمز کا یہ دن طویل عرصے تک یاد رکھا جائے گا۔
