150 ملین روپے انعامات، سی ایم پنجاب یوتھ گیمز 2026 نوجوانوں کے لیے بڑا موقع

لاہور (پنجاب پوسٹ) ڈی جی سپورٹس پنجاب محمد طارق قریشی کی زیر صدارت سی ایم پنجاب یوتھ گیمز 2026 کی تیاریوں کے حوالے سے اہم اجلاس منعقد ہوا، جس میں مختلف سرکاری محکموں اور اداروں کے افسران نے شرکت کی جبکہ پنجاب بھر کے سپورٹس افسران آن لائن شریک ہوئے۔
اجلاس میں ایجوکیشن، ہائر ایجوکیشن، لیبر، لوکل گورنمنٹ، سپیشل ایجوکیشن، انفارمیشن اینڈ کلچر، ٹیوٹا، ہوم ڈیپارٹمنٹ، لائیوسٹاک، پی آئی ٹی بی، لاہور بورڈ اور ڈی پی آئی کالجز کے نمائندوں نے شرکت کی۔

ڈی جی سپورٹس پنجاب محمد طارق قریشی نے کہا کہ سی ایم پنجاب یوتھ گیمز ملکی تاریخ کا سب سے بڑا سپورٹس ایونٹ ہوگا، جس میں پنجاب بھر سے 50 لاکھ گرلز اور بوائز شرکت کریں گے۔ انہوں نے بتایا کہ سکولز، کالجز، یونیورسٹیز اور مدارس کے طلبہ و طالبات مختلف کھیلوں کے مقابلوں میں حصہ لیں گے۔

یہ بھی پڑھیں: پنجاب بھر میں پرائس کنٹرول مہم تیز، 70 ہزار سے زائد انسپکشنز، گرانفروشوں کے خلاف کارروائیاں جاری

انہوں نے مزید کہا کہ یوتھ گیمز 2026 کے مقابلے 6 مراحل میں منعقد ہوں گے جبکہ 17 مختلف سپورٹس ڈسپلنز میں کھلاڑی اپنی صلاحیتوں کا مظاہرہ کریں گے۔ محمد طارق قریشی کے مطابق کامیاب کھلاڑیوں میں مجموعی طور پر 150 ملین روپے کے کیش انعامات بھی تقسیم کیے جائیں گے۔

اجلاس میں ایونٹ کے کامیاب انعقاد، بین الادارہ تعاون اور نوجوانوں کو کھیلوں کی جانب راغب کرنے کے لیے مختلف امور کا تفصیلی جائزہ لیا گیا۔