پتوکی (پنجاب پوسٹ) پتوکی میں ڈی پی او قصور آفتاب احمد پھلروان کی ہدایت پر منشیات فروشوں کے خلاف کارروائیاں جاری ہیں۔ تھانہ صدر پولیس ٹیم نے کارروائی کرتے ہوئے منشیات فروش ریاست علی کو گرفتار کر لیا۔
ملزم کو اعوان چک 39 قبرستان کے قریب سے گرفتار کیا گیا۔ملزم کے قبضے سے تقریبا دو کلو گرام کے قریب چرس، نقدی اور ایک موبائل فون برآمد ہوا۔ پولیس نے چرس کے نمونے فرانزک تجزیے کے لیے الگ کیے اور ملزم کے خلاف مقدمہ درج کر لیا۔ تھانہ صدر پولیس کی منشیات فروشوں کے خلاف کارروائیاں جاری رہیں گی۔
