ننکانہ صاحب (پنجاب پوسٹ) ڈی پی او ننکانہ صاحب ارسلان زاہد کی ہدایت پر ڈی ایس پی ٹریفک ظہیر احمد جنجوعہ نے گورنمنٹ کیپٹن حسنین نواز شہید سکول میں ٹریفک آگاہی سیمینار کا انعقاد کیا۔جس میں طلباء کو ٹریفک قوانین اور محفوظ سفر کے اصولوں سے آگاہ کیا گیا۔سیمینار کے دوران ڈی ایس پی ٹریفک ظہیر احمد جنجوعہ نے طلباء کو ہیلمٹ کے استعمال، ون وے کی خلاف ورزی، تیز رفتاری، ون ویلنگ اور دیگر ٹریفک قوانین پر عملدرآمد کی اہمیت سے آگاہ کیا۔
اس موقع پر سکوٹی اور موٹر سائیکل چلانے والے کم عمر طلباء کو جونیئر ڈرائیونگ پرمٹ کے حوالے سے بھی خصوصی آگاہی فراہم کی گئی۔ سکول انتظامیہ نے ٹریفک پولیس کی جانب سے طلباء میں شعور اجاگر کرنے کے اس اقدام کو سراہا۔ ٹریفک پولیس حکام کا کہنا ہے کہ شہریوں بالخصوص نوجوانوں کو ٹریفک قوانین سے آگاہ کرنے کے لیے ایسی سرگرمیاں جاری رکھی جائیں گی۔
