ہارون آباد (پنجاب پوسٹ) نواحی گاؤں چک 26 تھری آر میں مبینہ طور پر 7 افراد نے مقدمہ درج کروانے کی درخواست واپس نہ لینے پر محنت کش وریام کے گھر پر دھاوا بول دیا۔ ملزمان گھر کی دیوار پھلانگ کر اندر داخل ہوئے اور خواتین و بچوں کو ڈنڈوں اور سوٹوں سے تشدد کا نشانہ بنایا۔
یہ بھی پڑھیں:لاہور: اقبال ٹاؤن پولیس نے طالب علم کو تشدد کا نشانہ بنانے والے استاد کو گرفتار کر لیا

واقعے کی ویڈیو سوشل میڈیا پر وائرل ہو گئی ہے، جس میں ملزمان کو گھر میں داخل ہوتے اور تشدد کرتے واضح دیکھا جا سکتا ہے۔ متاثرہ محنت کش کو مبینہ طور پر قتل اور سنگین نتائج کی دھمکیاں بھی دی گئیں۔ تھانہ صدر پولیس نے واقعے کا مقدمہ درج کرکے تفتیش شروع کر دی ہے، تاہم تاحال ملزمان گرفتار نہیں ہو سکے۔ متاثرہ خاندان نے ڈی پی او بہاولنگر سے ملزمان کی فوری گرفتاری اور انصاف کی فراہمی کا مطالبہ کیا ہے۔
یہ بھی پڑھیں:لاہور ہائیکورٹ: منڈی بہاؤالدین کے تہرے قتل کیس میں پھانسی پانے والے چار ملزمان بری















