پتوکی (پنجاب پوسٹ) پتوکی کے علاقے دیناناتھ میں تھانہ صدر پھول نگر پولیس نے بروقت کارروائی کرتے ہوئے بیوہ خاتون کی ایک ایکڑ اراضی پر قبضے کی کوشش ناکام بنا دی۔ 15 پر اطلاع ملنے پر ایس ایچ او تھانہ صدر پھول نگر محمد اسلم بھٹی پولیس ٹیم کے ہمراہ فوری موقع پر پہنچے اور ڈی پی او قصور آفتاب احمد پھلروان کو صورتحال سے آگاہ کیا۔
یہ بھی پڑھیں:تھانہ سٹی پنڈی بھٹیاں کی حدود میں پولیس مقابلہ، ایک ڈاکو زخمی حالت میں گرفتار

ڈی پی او قصور کی ہدایت پر پولیس نے کارروائی کرتے ہوئے قبضے کی کوشش کرنے والے چار ملزمان کو گرفتار کر کے مقدمہ درج کر لیا۔ بیوہ خاتون نے فوری پولیس رسپانس اور اپنی زمین کو قبضے سے محفوظ بنانے پر قصور پولیس کا شکریہ ادا کیا۔ڈی پی او قصور کا کہنا ہے کہ وزیراعلیٰ پنجاب کے ویژن کے مطابق خواتین کے ساتھ ظلم و زیادتی قصور پولیس کی ریڈ لائن ہے۔












