صفدرآباد پولیس کا منشیات فروشوں کے خلاف کریک ڈاؤن، منشیات فروشی میں ملوث ایک ملزم گرفتار

شیخوپورہ (پنجاب پوسٹ) صفدرآباد پولیس کا منشیات فروشوں کے خلاف کریک ڈاؤن۔ تھانہ صفدرآباد پولیس نے بڑی کارروائی کرتے ہوئے منشیات فروشی میں ملوث ایک ملزم کو گرفتار کرکے اس کے قبضے سے بھاری مقدار میں چرس برآمد کر لی ہے۔ پولیس نے ملزم کے خلاف مقدمہ درج کرکے مزید تفتیش شروع کر دی ہے۔

WhatsApp Image 2026 11 17 at 12.32.59 PM

ڈی پی او شیخوپورہ بلال ظفر شیخ کی خصوصی ہدایات پر ضلع بھر میں منشیات فروشوں کے خلاف کارروائیوں کا سلسلہ جاری ہے۔ اسی سلسلے میں ایس ایچ او تھانہ صفدرآباد انسپکٹر محمد ناظم کی نگرانی میں صفدرآباد پولیس معمول کے مطابق علاقے میں گشت کر رہی تھی کہ اسی دوران اسد نامی ایک مشتبہ شخص پولیس کو دیکھ کر اچانک فرار ہونے لگا۔

station

پولیس اہلکاروں نے مشکوک حرکات کا نوٹس لیتے ہوئے فوری طور پر ملزم کا تعاقب کیا اور کامیاب کارروائی کرتے ہوئے اسے گرفتار کر لیا۔ پولیس کے مطابق ملزم کی تلاشی کے دوران اس کے قبضے سے بھاری مقدار میں چرس برآمد ہوئی۔ پولیس نے برآمد ہونے والی منشیات قبضے میں لے کر ملزم کے خلاف متعلقہ دفعات کے تحت مقدمہ درج کر لیا ہے جبکہ واقعے کے حوالے سے مزید تفتیش بھی شروع کر دی گئی ہے۔

اس موقع پر پولیس حکام کا کہنا ہے کہ منشیات ایک سنگین معاشرتی ناسور ہے جو نوجوان نسل کے مستقبل کو تباہ کر رہا ہے۔ ڈی پی او شیخوپورہ بلال ظفر شیخ کی ہدایات کے مطابق منشیات فروشوں اور اس مکروہ دھندے میں ملوث عناصر کے خلاف بلاامتیاز کارروائیاں جاری رہیں گی۔

صفدرآباد پولیس نے اس عزم کا اظہار کیا ہے کہ علاقے کو منشیات سے پاک کرنے، نوجوان نسل کو اس لعنت سے محفوظ رکھنے اور جرائم پیشہ عناصر کے خاتمے کے لیے تمام دستیاب وسائل بروئے کار لائے جائیں گے

Share this article

سبسکرائب

سبسکرائب بٹن دبا کر، آپ تصدیق کرتے ہیں کہ آپ نے ہماری پرائیویسی پالیسی پڑھ لی ہے۔

مزید خبریں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے