لاہور (پنجاب پوسٹ) پیپلزپارٹی کے رکن اسمبلی علی حیدر گیلانی نے پنجاب اسمبلی میں کامن ویلتھ پارلیمانی ایسوسی ایشن کی جانب سے پنجاب اسمبلی کی خدمات کو سراہنے پر خراج تحسین پیش کیا۔
علی حیدر گیلانی نے بھی کامن ویلتھ پارلیمانی ایسوسی ایشن کی کیپ ٹائون میں ہونے والی کانفرنس میں پنجاب اسمبلی کی خدمات کو سراہا گیا، پنجاب اسمبلی کو پیپر لیس، سولر پر منتقل اور ڈیجیٹلائز کرنے کے اقدامات کو کومن ویلتھ کی جانب سے تسلیم کیا گیا،
اپوزیشن رکن رانا شہباز نے پنجاب اسمبلی میں شوگر ملوں کی کرشنگ، گندم کی زائد قیمت اور مہنگی ایل پی جی کا معاملہ ایوان میں اٹھا دیا،پنجاب میں شوگر ملوں کی کرشنگ شروع نہیں ہو رہی ہے۔ کسان کی فصل تیار کھڑی ہے لیکن شوگر ملیں خرید نہیں رہیں،
رانا شہباز نے مزید کہا کہ گندم تین ہزار سے پینتس سو روپے میں لے کر حکومت ڈبل ریٹ پر دے رہی ہے، پیرا فورس کس لئے بنائی گئی ہے۔گیس سلنڈر سات ہزار روپے کا مل رہا ہے۔رائس مل کا موسم ہے بجلی نہیں آ رہی۔










