رائیونڈ میں تبلیغی اجتماع، مرکز میں آنے کیلئے کونسا راستہ ہوگا ؟ گاڑیاں کہاں کھڑی کی جائیں گی؟ ٹریفک پولیس نے پلان جاری کردیا

لاہور (پنجاب پوسٹ) ٹریفک پولیس نے سالانہ رائے ونڈ اجتماع 2026 کا ٹریفک پلان جاری کردیا۔رائیونڈ اجتماع فیزون 5 تا 8 نومبر اور فیز ٹو 12 تا 15 نومبر تک ہوگا،رائے ونڈ اجتماع کے فیزون اور فیز ٹو کی اختتامی دعا 08 نومبر اور 15 نومبر بروز اتوار ہونگیں۔

سی ٹی او لاہور سید عبدالرحیم شیرازی کے مطابق اجتماع کے لیے لاہور رائیونڈ روڈ، سندر روڈ، مانگا روڈ سمیت 7 داخلی راستے مقرر کیے گئے ہیں۔ٹریفک کی روانی برقرار رکھنے کے لیے 10 مقامات پر ڈائیورشن پوائنٹس قائم کیے جائیں گے۔

یہ بھی پڑھیں:لاہور ٹریفک پولیس کی اسموگ کے خلاف اکتوبر میں ریکارڈ کارروائیاں، 67 ہزار 914 چالان جاری

اجتماع میں آنے والے شرکاء کے لیے مختلف مقامات پر پارکنگ کی سہولیات فراہم کی جائیں گی۔پارکنگ انتظامات کے تحت 2800 بڑی گاڑیوں، 5400 کاروں اور 10 ہزار موٹر سائیکلوں کی گنجائش مختص کی گئی ہے۔رائیونڈ اجتماع کے ٹریفک انتظامات کے لیے مجموعی طور پر 1103 افسران و اہلکار تعینات کیے جائیں گے۔

یہ بھی پڑھیں:سی ٹی او لاہور کا کمشنر کو مراسلہ: 27 زیر تعمیر منصوبوں میں سے 9 مقامات پر ایس او پیز کی خلاف ورزی، سموگ اور ٹریفک جام کا خدشہ

سی ٹی او لاہور کا کہنا ہے کہ 7 ڈی ایس پیز، 203 انسپکٹرز و سینئر ٹریفک وارڈنز اور 866 ٹریفک وارڈنز و ٹریفک اسسٹنٹس فرائض انجام دیں گے۔ٹریفک کی روانی برقرار رکھنے کے لیے 15 لفٹرز اور 9 بریک ڈاؤن گاڑیاں بھی تعینات ہوں گی۔اجتماع کے دوران ٹریفک کی روانی، شہریوں کی سہولت اور شرکاء کی محفوظ آمدورفت کو یقینی بنایا جائےگا۔

یہ بھی پڑھیں:لاہور میں ون ویلرز کے خلاف ٹریفک پولیس کا کریک ڈاؤن، دو ملزمان گرفتار، چھ ماہ میں 124 ون ویلرز کے خلاف مقدمات درج

راستہ ایف ایم، راستہ ایپ اور سوشل میڈیا کے ذریعے شہریوں کو لمحہ بہ لمحہ آگاہ رکھا جائے گا۔جی ٹی روڈ، گوجرانوالہ سے آنے والے شرکاء کالا شاہ کاکو انٹرچینج موٹروے سے رائے ونڈ پہنچیں گیں۔فیصل آباد، شیخوپورہ سے آنے والے شرکاء فیض پور انٹرچینج موٹروے سے رائے ونڈ پہنچیں گیں۔اوکاڑہ سے آنے والے شرکاء کو این ایف سی انٹرچینج رنگ روڈ، رائے روڈ بھجوایا جائے گا۔