لاہور: قائد اعظم ٹرافی کے گولڈ اور سلور کے سکواڈز اور شیڈول کا اعلان

لاہور (پنجاب پوسٹ) قائد اعظم ٹرافی گولڈ اور سلور کے سکواڈز اور شیڈول کا اعلان کردیا گیا۔پاکستان کے سب سے پرانے فرسٹ کلاس ٹورنامنٹ قائد اعظم ٹرافی کا 69واں ایڈیشن منگل سے ملک بھر میں کھیلا جائے گا۔قائد اعظم ٹرافی گولڈ ٹورنامنٹ میں آٹھ جبکہ سلور میں 12 ریجنل ٹیمیں شرکت کریں گی۔

قائد اعظم ٹرافی گولڈ کے پہلے راؤنڈ میں ٹیسٹ کپتان بابر اعظم لاہور وائٹس کی نمائندگی کریں گے۔پاکستان ون ڈے ٹیم کے کپتان شاہین شاہ آفریدی فاٹا کی کپتانی کریں گے۔لاہور وائٹس اور فاٹا پہلے میچ میں کل سے ڈائمنڈ کرکٹ گراؤنڈ اسلام آباد میں مدمقابل ہوں گے۔

یہ بھی پڑھیں:ٹرائی نیشن کرکٹ سیریز کے دوران لاہور پولیس کا جوئے کے اڈوں اور آن لائن گیمبلنگ کے خلاف کریک ڈاؤن، اکتوبر میں 245 جواری گرفتار

گولڈ اور سلور میں ٹوٹل 60 فرسٹ کلاس میچز کھیلے جائیں گے۔پی سی بی قائد اعظم ٹرافی گولڈ ٹورنامنٹ کے تمام میچز لائیو سٹریم کرے گا۔قائد اعظم ٹرافی سلور ٹورنامنٹ کے ہر رائونڈ میں چھ میں سے چار میچز لائیو سٹریم ہوں گے۔سلور ٹورنامنٹ کی ٹاپ دو ٹیمیں اگلے سیزن گولڈ میں شرکت کریں گی۔

یہ بھی پڑھیں:پاکستان اور سری لنکا کی کرکٹ ٹیموں کے مابین ٹرائی سیرز کا فائنل، ٹریفک ایڈوائزری پلان بھی جاری

قائد اعظم ٹرافی گولڈ میں دفاعی چیمپئن کراچی بلوز، فیصل آباد، فاٹا، لاہور وائٹس، اسلام آباد، پشاور، ملتان اور سیالکوٹ بلوز شامل ہیں۔قائد اعظم ٹرافی سلور میں 12 ٹیموں کو دو گروپس میں تقسیم کیا گیا ہے۔قائد اعظم ٹرافی سلور گروپ اے میں لاہور بلوز، راولپنڈی، لاڑکانہ، کوئٹہ، بہاولپور، پشاور وائٹس شامل ہیں۔قائد اعظم ٹرافی سلور گروپ بی میں کراچی وائٹس، آزاد جموں کشمیر، حیدر آباد، ڈیرہ مراد جمالی، ایبٹ آباد اور سیالکوٹ وائٹس شامل ہیں۔

قائد اعظم ٹرافی گولڈ 3 نومبر سے 19 دسمبر تک کھیلی جائے گی۔گولڈ کے ہر رائونڈ میں چار میچز کھیلے جائیں گے، میچز اسلام آباد، ایبٹ آباد اور راولپنڈی میں ہوں گے۔قائد اعظم ٹرافی گولڈ ٹورنامنٹ کا فائنل 15 سے 19 دسمبر کو کھیلا جائے گا۔قائد اعظم ٹرافی سلور 3 نومبر سے 7 دسمبر تک کھیلی جائے گی۔

یہ بھی پڑھیں:پاکستان اور سری لنکا کے درمیان فائنل آج کھیلا جائے گا، ہوم گراؤنڈ پر پہلی ٹرائی نیشن ٹرافی کا عزم

سلور گروپ اے کے میچز کراچی میں سٹیٹ بینک، یو بی ایل سپورٹس کمپلیکس اور کے سی سی اے سٹیڈیم میں ہوں گے۔سلور گروپ بی کے میچز ملتان کرکٹ سٹیڈیم، سپورٹس کمپلیکس رحیم یار خان اور ڈرنگ سٹیڈیم بہاولپور میں ہوں گے۔گولڈ کے میچز نیشنل گراؤنڈ اسلام آباد، ڈائمنڈ گراؤنڈ اسلام آباد، ایبٹ آباد کرکٹ سٹیڈیم اور شعیب اختر کرکٹ سٹیڈیم راولپنڈی میں منعقد ہوں گے۔