لاہور (پنجاب پوسٹ) پیٹرولیم مصنوعات پر لیوی کے خاتمے اور عوام کو مزید ریلیف فراہمی کے معاملے پر حکومت اور جماعت اسلامی کے درمیان حتمی معاہدے کا مسودہ آج تیار کیا جائے گا۔
حکومت اور جماعت اسلامی کی کمیٹیوں کا اجلاس آج اسلام آباد ہو گا۔ ذرائع کے مطابق دونوں کمیٹیاں پیٹرولیم مصنوعات پر لیوی کے مرحلہ وار خاتمے کے حوالے سے معاہدے کا مسودہ تیار کریں گی۔ جبکہ حتمی مسودےکی منظوری حکومتی اور جماعت اسلامی کی قیادت دے گی۔
ذرائع کے مطابق حکومت پیٹرولیم پر لیوی کے مرحلہ وار خاتمے پر رضامند ہے۔ حکومت نے ایک ہزار سی سی گاڑیوں پر ریلیف دینے پر رضا مندی ظاہر کی ہے۔ ذرائع کا کہنا ہے حکومت زرعی شعبے میں ریلیف دینے پر بھی رضامند ہے۔
