لاہور (پنجاب پوسٹ) سیف سٹی کی مدد سے موبائل فون چھیننے والے 2 رکنی گینگ گرفتار ہو گئے۔سیف سٹی کیمروں کی مدد سے ملزمان کی نقل و حرکت کو ٹریس کر کہ متعلقہ پولیس کی کارروائی کو کامیاب کیا۔2 رکنی گینگ موٹرسائیکل پر شہریوں کو نشانہ بنا کر قیمتی موبائل فون چھینتا تھا۔
تھانہ کاہنہ کی حدود میں بھی ملزمان شہری سے موبائل فون چھین کر فرار ہوئے۔واقعے کی اطلاع ملتے ہی سیف سٹی کے ورچوئل پٹرولنگ آفیسر نے ملزمان کی تلاش شروع کر دی۔سیف سٹی کیمروں کی مدد سے ملزمان کی نقل و حرکت ٹریس کرکے اہم معلومات حاصل کی گئیں۔
یہ بھی پڑھیں:میاں چنوں: تھانہ تلمبہ پولیس کی کاروائی ، مبینہ زیادتی کےمقدمے میں ملزم گرفتار
سیف سٹی نے ملزمان سے متعلق معلومات فوری طور پر متعلقہ پولیس کو فراہم کر دیں۔سیف سٹی کی فراہم کردہ معلومات پر پولیس نے کارروائی کرتے ہوئے دونوں ملزمان کو گرفتار کر لیا۔ترجمان سیف سٹیز کا کہنا ہے کہ سیف سٹی کی جدید کیمرا ٹیکنالوجی جرائم پیشہ عناصر کی نشاندہی اور گرفتاری میں مؤثر کردار ادا کر رہی ہے۔
یہ بھی پڑھیں:لوہاری گیٹ پولیس کی کارروائیوں میں منشیات فروش سمیت 3 ملزمان گرفتار
سی سی ڈی، لاہور پولیس اور سیف سٹی کی مشترکہ کاوشوں سے جرائم پیشہ عناصر کے خلاف کارروائیاں جاری ہیں۔شہری کسی بھی واردات یا مشکوک سرگرمی کی فوری اطلاع ایمرجنسی ہیلپ لائن 15 پر دیں۔
