لاہور: صوبہ بھر میں سموگ کے تدارک کیلئے کارروائیاں تیز

لاہور (پنجاب پوسٹ) صوبہ بھر میں سموگ کے تدارک کیلئے کاروائیاں تیز ہو گئی۔ٹریفک پولیس کا سموگ اور ماحولیاتی آلودگی کا باعث بننے والی گاڑیوں کے خلاف کاروائیاں جاری ہے۔ڈی آئی جی ٹریفک محمد وقاص نذیر کا دھواں چھوڑنے والی گاڑیوں کے خلاف سخت کاروائیوں کے احکامات۔

ترجمان کے مطابق رواں ماہ 8 ہزار سے زائد دھواں چھوڑنے والی گاڑیوں کو چالان ٹکٹ جاری کر دیے۔دھواں چھوڑنے پر 10 سے زائد گاڑیوں کے فٹنس سرٹیفکیٹ معطل کر دیے۔ماحول دشمن 8 سے زائد گاڑیوں کے روٹ پرمٹ معطل کر دیے۔ترجمان کا کہنا ہے کہ 1500 سے زائد گاڑیوں کو دھواں چھوڑنے پر بند کیا گیا۔

یہ بھی پڑھیں:پنجاب میں انسدادِ سموگ کریک ڈاؤن تیز، صنعتی یونٹس، بھٹوں اور ککنگ پوائنٹس پر کارروائیاں، 5 مقامات سیل، لاکھوں روپے جرمانے

1600 سے زائد بغیر ترپال کے ریت مٹی والی ٹریکٹر ٹرالیوں کو بھاری حرمانے ہوئے۔شہری گاڑیوں کی مینٹیننس کو یقینی بنائیں۔ ڈی آئی جی ٹریفک پنجاب محمد وقاص نذیر کے مطابق پنجاب کو سموگ فری بنانے کے لیے تمام ٹریفک افسران و اہلکاران پوری مستعدی سے فرائض سر انجام دیں۔

یہ بھی پڑھیں:پنجاب بھر میں انسدادِ سموگ آپریشن مزید تیز، 225 صنعتی یونٹس کی انسپکشن، 2 سیل

پنجاب میں دھواں چھوڑنے والی گاڑیوں کے خلاف بلاامتیاز کارروائیاں جاری ہیں۔سموگ کے تدارک کیلئے حکومتی ہدایات پر سختی سے عمل درآمد جاری ہے۔گاڑیوں سے خارج ہونے والا زہریلا دھواں انسانی صحت اور ماحول کے لیے سنگین خطرہ ہے۔ہمیں اپنے ماحول کو بچانے کے لیے گاڑیوں سے نکلنے والے زہریلے دھوئیں کا خاتمہ کرنا ہے۔

یہ بھی پڑھیں:شہر میں سموگ سر اٹھانے لگی، لاہور آلودہ ترین شہروں میں تیسرے نمبر پر