شیخوپورہ میں ضلعی انتظامیہ اچانک متحرک کیوں ہوگئی؟ کیا بڑا ہونے والا ہے ؟

شیخوپورہ (پنجاب پوسٹ) وزیراعلیٰ پنجاب مریم نواز شریف کے 21 اکتوبر کو متوقع دورے کے انتظامات مکمل کرنے کی ہدایات جاری ہے۔وزیراعلیٰ مریم نواز شریف کے دورے کے پیشِ نظر ضلعی انتظامیہ متحرک ہیں اور متعلقہ محکموں کو ٹاسک سونپ دیے گئے۔وزیراعلیٰ پنجاب کے دورے کے دوران مختلف ترقیاتی منصوبوں کے افتتاح اور سنگِ بنیاد کی تقریبات ہوں گی۔

ہیرن مینار کی بہتری و بحالی کے منصوبے سے متعلق تقریب دورۂ وزیراعلیٰ کے شیڈول میں شامل ہے۔وزیراعلیٰ اسپورٹس کمپلیکس اور پولیس خدمت مرکز کے منصوبوں سے متعلق تقریبات میں شرکت کریں گی۔نواز شریف پارک میں گرین بسوں کی افتتاحی تقریب منعقد ہوگی۔

یہ بھی پڑھیں:وزیراعلیٰ مریم نواز کا بریسٹ کینسر سے آگاہی کے عالمی دن پر پیغام: بروقت تشخیص زندگی بچانے کی ضمانت، لاہور میں سب سے بڑا کینسر ہسپتال بنایا جا رہا ہے

شہباز شریف مدرز اینڈ چلڈرن ہسپتال میں گائنی او پی ڈی کا افتتاح کیا جائے گا۔ضلعی کونسل ہال میں فاطمہ جناح لائبریری کا سنگِ بنیاد رکھا جائے گا۔نواز شریف پارک میں وزیراعلیٰ پنجاب لیپ ٹاپ پروگرام کے تحت طلبہ میں لیپ ٹاپ تقسیم کیے جائیں گے۔

یہ بھی پڑھیں:وزیراعلیٰ مریم نواز کی زیر صدارت 37واں اجلاس: پنجاب میں منصوبوں پر کام کیسا جا رہا ہے، اور نئے آنے والے منصوبوں پر لائحہ عمل طے کیا گیا؟

پرانی غلہ منڈی میں ماڈل بازار کے افتتاح اور سنگِ بنیاد کی تقریب بھی دورے کے شیڈول میں شامل ہے۔نواز شریف پارک میں پی ڈی پی مشینری کی افتتاحی تقریب بھی منعقد ہوگی۔ڈی پی او کو فول پروف سکیورٹی، روٹس کی کلیئرنس اور ٹریفک پلان یقینی بنانے کی ہدایت کی گئی۔

یہ بھی پڑھیں:پنجاب، خواتین کو ہنر، طالبات کو با اختیار اور غریبوں کو زمین فراہم کی جارہی ہیں، مریم نواز کا غربت کے عالمی دن پر پیغام

ریسکیو 1122، محکمہ صحت، سول ڈیفنس اور میونسپل اداروں کو ضروری انتظامات مکمل کرنے کا حکم دیا۔وزیراعلیٰ کے دورے کے لیے پنڈال، نشستوں، صفائی ستھرائی اور رابطہ کاری کے انتظامات کی ذمہ داریاں افسران کے سپرد کر دیا۔ضلعی انتظامیہ کو تمام انتظامات بروقت مکمل کرنے کی ہدایت، وزیراعلیٰ دورے کے اختتام پر لاہور روانہ ہوں گی۔