سیاسی صورتحال کے باعث خیبرپختونخوا کے فرسٹ کلاس میچز دیگر شہروں میں منتقل، پی سی بی کا فیصلہ

لاہور(پنجاب پوسٹ)اکستان کرکٹ بورڈ (پی سی بی) نے خیبرپختونخوا میں جاری سیاسی صورتحال کے پیشِ نظر صوبے میں شیڈول فرسٹ کلاس میچز دیگر شہروں میں منتقل کرنے کا فیصلہ کرلیا ہے۔ ذرائع کے مطابق یہ فیصلہ کھلاڑیوں، آفیشلز اور ٹیموں کی سیکیورٹی اور میچز کے بلا رکاوٹ انعقاد کو یقینی بنانے کے لیے کیا گیا ہے۔

پریزیڈنٹ ٹرافی کے میچز معطل

ذرائع کا کہنا ہے کہ پشاور اور ایبٹ آباد میں پریزیڈنٹ ٹرافی گریڈ ون کے شیڈول تمام میچز معطل کردیے گئے ہیں، جنہیں اب دیگر شہروں میں کھیلا جائے گا۔

یہ بھی پڑھیں:ایشین ہاکی چیمپئینز ٹرافی، پاکستان کا بھارت میں کھیلنے سے انکار، بنگلہ دیش متبادل کے طور پر شامل

غنی اور حیدرآباد کنگزمین کا میچ شیخوپورہ میں

پشاور اسٹیڈیم میں شیڈول غنی اور حیدرآباد کنگزمین کے درمیان میچ اب شیخوپورہ میں کھیلا جائے گا۔ ذرائع کے مطابق یہ میچ 14 اکتوبر سے شیخوپورہ میں شروع ہوگا۔

سوئی ناردرن گیس کا میچ لاہور منتقل

ایبٹ آباد میں شیڈول سوئی ناردرن گیس کا میچ بھی لاہور منتقل کردیا گیا ہے۔

آخری راؤنڈ کے میچز لاہور میں

ذرائع کے مطابق مارخور آئی ٹی سلوشنز اور پاکستان ٹیلی وژن کے درمیان آخری راؤنڈ کے میچز لاہور میں کھیلے جائیں گے، جن کا آغاز 19 اکتوبر سے ہوگا۔

یہ بھی پڑھیں:مکی آرتھر آج بھی پاکستان کرکٹ کے دلدادہ، شائقین سے رابطہ ختم ہونا مایوس کن ہے، چیمپئنز ٹرافی وننگ کوچ

اسلام آباد اور راولپنڈی میں میچز معمول کے مطابق

دوسری جانب ذرائع کا کہنا ہے کہ اسلام آباد اور راولپنڈی میں شیڈول فرسٹ کلاس میچز میں کوئی تبدیلی نہیں کی گئی اور وہ معمول کے مطابق جاری رہیں گے۔