چونیاں (پنجاب پوسٹ) تھانہ سٹی چونیاں کی حدود میں سرکاری عمارتیں بھی غیر محفوظ ہو گئیں، بچوں کے سکول کو بھی چوروں نے نہ بخشا۔تھانہ سٹی چونیاں کی حدود میں نامعلوم چور سرکاری سکول کے مین گیٹ کا تالا توڑ کر سامان لے اڑے۔ واقعے کے بعد سرکاری تعلیمی اداروں کی سکیورٹی پر بھی سوالات اٹھنے لگے۔
ذرائع کے مطابق سرکاری سکول کے ٹیچر کی مدعیت میں چوری کا مقدمہ درج کر لیا گیا ہے۔تاہم شہریوں میں تشویش پائی جاتی ہے کہ اگر سرکاری عمارتیں اور بچوں کے تعلیمی ادارے ہی محفوظ نہیں تو عام شہریوں کے جان و مال کا تحفظ کیسے یقینی بنایا جائے گا؟
یہ بھی پڑھیں:لاہور میں بجلی چوری اور اوور بلنگ کیلئے لیسکو کیا اقدامات کر رہا ہے ؟
ڈی آئی جی شیخوپورہ رینج فوری نوٹس لیں، واقعے میں ملوث ملزمان کو گرفتار کرکے چوری شدہ سامان برآمد کیا جائے اور تھانہ سٹی چونیاں میں مستقل ایس ایچ او کی تعیناتی یقینی بنائی جائے۔تاکہ جرائم کی روک تھام اور شہریوں کے تحفظ کے لیے مؤثر اقدامات کیے جا سکیں
یہ بھی پڑھیں:موڑکھنڈا: موٹر سائیکل چوری کی وارداتوں میں اضافہ، شہری خود کو غیر محفوظ سمجھنے لگے
سوال یہ ہے کہ سرکاری سکولوں کی حفاظت کون کرے گا؟ اعلیٰ پولیس حکام فوری توجہ دیں اور ذمہ داران کا تعین کرکے مؤثر کارروائی کریں۔عوامی حلقوں کا مطالبہ ہے کہ چونیاں میں امن و امان کی صورتِ حال بہتر بنانے کے لیے فوری عملی اقدامات کیے جائیں۔
یہ بھی پڑھیں:موٹر سائیکل چوری کیلئے بیوی ک استعمال ، شاطر ملزم پولیس گرفت میں کیسے آیا ؟
