لاہور (پنجاب پوسٹ) لاہور میں جیب تراشی کی وارداتوں کا سلسلہ جاری ہے، رواں سال کے ابتدائی 9 ماہ کے دوران شہر میں شہریوں کی جیبیں کاٹنے کے 18 ہزار 58 مقدمات درج کیے گئے۔ پولیس ریکارڈ کے مطابق سٹی ڈویژن جیب تراشی کے 3 ہزار 990 مقدمات کے ساتھ پہلے نمبر پر رہا۔
ماڈل ٹاؤن ڈویژن میں جیب تراشی کے 3 ہزار 422 مقدمات درج ہوئے، جس کے بعد یہ ڈویژن دوسرے نمبر پر رہا، جبکہ کینٹ ڈویژن میں 3 ہزار 339 مقدمات رپورٹ ہوئے اور یہ تیسرے نمبر پر رہا۔
یہ بھی پڑھیں: پاکستان میں سائبر کرائم کی شکایات میں ایک سال کے دوران 43 ہزار سے زائد کا اضافہ
پولیس ریکارڈ کے مطابق صدر ڈویژن میں جیب تراشی کے 3 ہزار 189 مقدمات درج کیے گئے، جبکہ اقبال ٹاؤن ڈویژن میں 2 ہزار 346 وارداتیں رپورٹ ہوئیں اسی طرح سول لائنز ڈویژن میں رواں سال کے پہلے 9 ماہ کے دوران جیب تراشی کی ایک ہزار 772 وارداتیں رپورٹ ہوئیں۔
