لاہور (پنجاب پوسٹ) وزیر اطلاعات پنجاب عظمیٰ بخاری نے بیان دیا۔ان کے مطابق خیبرپختونخواہ میں ایک طرف دہشتگردی ہورہی دوسری طرف سہیل آفریدی کنٹینر پر چڑھ رہے ہے۔سہیل آفریدی کا لانگ مارچ ”شارٹ ٹرم مارچ“میں تبدیل ہوچکا۔یہ مارچ نہ بانی پی ٹی آئی کے حق میں ہے نہ پختون عوام کے حق میں ہے۔
یہ بھی پڑھیں:تحریک انصاف نے تختیوں کی سیاست کی ،ہم عوام کی تقدیر بدل رہے ہیں،اعظمیٰ بخاری
انکا ”شارٹ ٹرم مارچ“دہشتگرد تنظیموں کے حق میں ہورہا۔خیبرپختونخواہ پورا صوبہ غیر محفوظ ہے لیکن سڑکوں پر دندناتا مارچ مکمل محفوظ ہے۔سیکیورٹی فورسز صوبے کی عوام کے تحفظ کیلئے اپنی جانیں قربان کررہی ہیں۔ایک مسخرہ کنٹینر پر کھڑے ہوکر انہی فورسز کا مذاق اڑارہا اور دہشتگردوں کیلئے نرم گوشہ استعمال کرتا۔
پی ٹی آئی کی سینئر قیادت کوایک مسخرے ”کنٹینر باز“نے یرغمال بنایا ہوا ہے۔خیبرپختونخواہ سب سے زیادہ دہشتگردی سے متاثرہ صوبہ ہے۔اس صوبے کی پولیس اور لوگوں کی دہشتگردی کیخلاف قربانیاں ناقابل فراموش ہیں۔کے پی کے لوگ خود ڈیمانڈ کررہے انکی پی ٹی آئی اور نالائق ٹولے سے جان چھڑائی جائے۔عوام کے مسترد کیے جانے کے بعد اے آئی سے ویڈیو بناکر سوشل میڈیا پر ڈالی جارہی ہیں۔
