ڈی آئی جی آپریشنز کی ہدایت پر اسلحہ کی نمائش اور ہوائی فائرنگ کے خلاف کریک ڈاؤن

لاہور (پنجاب پوسٹ) سِول لائنز ڈویژن پولیس نے 48 گھنٹوں کے دوران ہوائی فائرنگ میں ملوث 7 ملزمان گرفتار کر لیے۔گجرپورہ، لٹن روڈ، شالیمار، مزنگ اور سِول لائنز پولیس نے مختلف مقامات سے ملزمان کو گرفتار کیا۔

ملزمان سرِعام گلی محلوں میں ہوائی فائرنگ کرکے علاقہ میں خوف و ہراس پھیلاتے تھے۔گرفتار ملزمان کے قبضے سے 5 پستول، 12 بور ریپیٹر اور ایک رائفل برآمد ہوئی، ایس پی سِول لائنز۔

یہ بھی پڑھیں:اب لاہور میں ڈالہ کلچر ہوگا اور نہ ہی چوکوں میں بھکاری ، پولیس شہر میں جرائم کنٹرول کرنے کیلئے کیا نیا کر رہی ہے ؟

گرفتار ملزمان میں سلیم، اعجاز، راحیل، ابیل مسیح، افضال اور ذیشان شامل ہیں۔ملزمان کے خلاف مقدمات درج کرکے مزید تفتیش کے لیے انویسٹی گیشن ونگ کے حوالے کر دیا گیا۔ایس پی سِول لائنز منزہ کرامت کے مطابق ہوائی فائرنگ اور اسلحہ کی نمائش کے خلاف زیرو ٹالرنس پالیسی پر عمل پیرا ہیں۔

یہ بھی پڑھیں:خواتین وزیراعلیٰ کی ریڈلائن، لڑکی کو تنگ کرنیوالا ملزم پولیس نے کیسے گرفتار کیا؟