گوجرانوالہ (پنجاب پوسٹ) گوجرانوالہ کے مختلف علاقوں میں 4 پولیس مقابلے و کارروائیاں، 1 ریکارڈ یافتہ سفاک ملزم ہلاک، 3 زخمی حالت میں گرفتار۔9 سالہ کمسن بچی کے ساتھ زیادتی کرنے والا جنسی درندہ اپنے ہی ساتھیوں کی فائرنگ سے ہلاک ہو گئی۔ہلاک ملزم اس سے قبل بھی کمسن بچوں سے زیادتی کرنے اور راہزنی کے مقدمات میں ریکارڈ یافتہ تھا۔
سی پی او ڈاکٹر سردار غیاث گل خان کا فوری نوٹس، ڈویژنل ایس پیز سے رپورٹ طلب کی۔تھانہ کینٹ پولیس مقابلہ میں 9 سالہ کمسن بچی سے زیادتی کے مقدمہ میں ملوث اور راہزنی کے مقدمات میں ریکارڈ یافتہ ملزم عبدالرحمان نامعلوم ساتھیوں کے ہمراہ پولیس پارٹی پر اندھا دھند فائرنگ کر کے فرار ہونے کی کوشش میں اپنے ہی ساتھیوں کی فائرنگ سے ہلاک، ملزم تھانہ کینٹ جنسی زیادتی کے مقدمہ میں جسمانی ریمانڈ پر تھا، 2 کس نامعلوم ساتھیوں نے ملزم کو دوران برآمدگی پولیس حراست سے چھڑوایا تھا، ساتھی فرار ہو گئے۔
یہ بھی پڑھیں:لاہور شہر میں منشیات کا پارسل ڈیلیور کرنے والا رکشہ پکڑا گیا، کتنی چرس برآمد ہوئی؟
تھانہ سٹی وزیر آباد پولیس کارروائی؛ راہزنی کے متعدد مقدمات میں ریکارڈ یافتہ و مطلوب ملزم اسد نوید دوران پولیس ریڈ گرفتاری سے بچنے کے لیے فرار ہوتے ہوئے زخمی حالت میں گرفتار، قبضہ سے 29 ہزار روپے نقدی، ناجائز اسلحہ اور چھینی گئی موٹرسائیکل برآمد ہوئی۔
تھانہ ماڈل ٹاؤن پولیس مقابلہ؛ ریکارڈ یافتہ موٹرسائیکل چور علی رضا پولیس ناکہ سے فرار ہونے کی کوشش میں زخمی حالت میں گرفتار، قبضہ سے چوری شدہ موٹر سائیکل برآمد ہوئی۔تھانہ سیٹلائیٹ ٹاؤن پولیس کارروائی؛ کمسن بچی کو نازیبا ویڈیوز دیکھانے کے مقدمہ میں ملوث ملزم ابرار پولیس حراست سے فرار ہونے کی کوشش میں زخمی حالت میں گرفتار، ملزم جسمانی ریمانڈ پر تھا جسے برآمدگی کے لئے لے جایا جا رہا تھا۔
یہ بھی پڑھیں:لاہور پولیس کا سود خوری کے خلاف بڑا کریک ڈاؤن، 78 مقدمات کا اندراج ، 69 ملزمان گرفتار
فرار ملزمان کی گرفتاری کے لیے ایس ڈی پی او کینٹ کی زیر نگرانی خصوصی پولیس ٹیمیں تشکیل، شہر بھر میں ناکہ بندی جاری۔پر امن اور محفوظ معاشرے کی تشکیل کے لیے جرائم پیشہ عناصر اور منشیات فروشوں کی بیخ کنی ناگزیر ہے۔..
