پتوکی:ماموں نے علاج کیلئے پائی پائی جوڑی ، بھانجے نے جوئے میں ہار دی ، اپنا جرم چھپانے کیلئے بھانجے نے پولیس بلا لی

پتوکی(پنجاب پوسٹ)پتوکی میں ماموں کے علاج کے لیے جمع کی گئی رقم جوئے میں ہارنے کے بعد نوجوان نے اپنی غلطی چھپانے کے لیے رقم چھن جانے کا جھوٹا ڈرامہ رچا دیا، تاہم پولیس نے معاملے کی حقیقت سامنے آنے پر نوجوان کے خلاف کارروائی شروع کردی۔

پولیس کے مطابق نوجوان نے اپنے ماموں کے علاج کے لیے رقم جمع کی تھی، تاہم وہ رقم جوئے میں ہار گیا۔ رقم ضائع ہونے کے بعد نوجوان نے معاملے کو چھپانے کے لیے ڈکیتی کا جھوٹا بہانہ بنانے کا فیصلہ کیا۔

یہ بھی پڑھیں:لاہور ٹریفک پولیس کی چالان مہم ، 8 ماہ میں لاہور میں 8 ہزار 897 موٹر سائیکل سواروں کیخلاف کارروائی ، کتنے جرمانے کئے گئے ؟

نوجوان نے پولیس ایمرجنسی ہیلپ لائن 15 پر کال کرکے ڈکیتی کی اطلاع دی اور رقم چھین لیے جانے کا دعویٰ کیا۔ اطلاع ملنے پر پولیس نے معاملے کی تحقیقات کیں تو نوجوان کا بیان مشکوک نکلا اور حقیقت سامنے آگئی۔

پولیس کے مطابق نوجوان نے اپنی غلطی چھپانے کے لیے ڈکیتی کا رنگ دینے کی کوشش کی تھی، تاہم تحقیقات کے دوران جھوٹی کال کا ڈرامہ بے نقاب ہوگیا۔پولیس نے ڈکیتی کی جھوٹی اطلاع دینے پر نوجوان کے خلاف مقدمہ درج کرلیا ہے اور واقعے کے حوالے سے مزید قانونی کارروائی جاری ہے۔

یہ بھی پڑھیں:صحت مند اہلکار، محفوظ پنجاب، پولیس اہلکاروں کے علاج معالجے کیلئے 29 لاکھ 66 ہزار روپے جاری