مری(پنجاب پوسٹ)مری کی یونین کونسل مسیاڑی کے گاؤں گوہڑہ میں افسوسناک واقعہ پیش آیا، جہاں مبینہ طور پر ایک ماں نے اپنے 2 ماہ کے بچے کو برساتی نالے میں پھینک دیا، جس کے نتیجے میں بچے کی موت واقع ہوگئی۔ واقعے کی اطلاع ملنے پر پولیس نے کارروائی کرتے ہوئے بچے کی لاش نالے سے برآمد کرلی۔
ڈی پی او مری کے مطابق واقعے کا مقدمہ درج کرلیا گیا ہے جبکہ پولیس نے بچے کے والدین کو حراست میں لے لیا ہے۔ پولیس کی جانب سے واقعے کی مزید تحقیقات جاری ہیں اور مختلف پہلوؤں سے شواہد اکٹھے کیے جا رہے ہیں۔
ابتدائی تحقیقات کے مطابق زیرِ حراست ماں نے پولیس کو بتایا کہ اس کے پہلے ہی چھ بچے ہیں اور وہ مزید بچے کی پرورش اور اخراجات برداشت کرنے کی پوزیشن میں نہیں تھی۔ پولیس واقعے کے محرکات اور ذمہ داروں کا تعین کرنے کے لیے تحقیقات کر رہی ہے۔واقعے نے علاقے میں افسوس اور تشویش کی لہر دوڑا دی، جبکہ پولیس کی جانب سے مقدمے کی تفتیش اور قانونی کارروائی کا سلسلہ جاری ہے۔
یہ بھی پڑھیں:بھاٹی گیٹ میں لین دین کا تنازعہ،سگی بہن پر تشدد کرنے والا ملزم گرفتار
