تعطیلات کے دوران بھی لاہور ہائیکورٹ میں تیز رفتار انصاف، جسٹس سردار اکبر علی ڈوگر کی شاندار کارکردگی

لاہور (پنجاب پوسٹ) لاہور ہائیکورٹ میں تعطیلات کے دوران بھی عدالتی کارروائیاں مؤثر انداز میں جاری رہیں۔ ذرائع کے مطابق جسٹس سردار اکبر علی ڈوگر نے پرنسپل سیٹ پر صرف چار روز کے دوران مجموعی طور پر 337 مقدمات کا فیصلہ کر کے نمایاں کارکردگی کا مظاہرہ کیا۔

یہ بھی پڑھیں: کیا عوام سے وصول کیا گیا ٹیکس ہڑپ کرنے والوں کے خلاف پنجاب ریونیو اتھارٹی نے زیرو ٹالرنس پالیسی نافذ کر دی؟

ذرائع کے مطابق جسٹس سردار اکبر علی ڈوگر نے بطور سنگل بنچ 293 مقدمات نمٹائے، جبکہ ڈویژن بنچ میں 44 کیسز کے فیصلے کیے۔
ذرائع کا کہنا ہے کہ ان فیصلوں سے زیر التوا مقدمات کی تعداد میں نمایاں کمی آئی ہے، جبکہ بروقت فیصلوں کے باعث سائلین کو جلد انصاف کی فراہمی میں بھی اہم پیش رفت ہوئی ہے۔