لاہور(پنجاب پوسٹ) سیشن کورٹ لاہور نے ریاست مخالف ٹویٹس سے متعلق مقدمے میں صنم جاوید اور فلک جاوید کا جیل ٹرائل کرانے کے لیے دائر درخواست خارج کر دی
ایڈیشنل سیشن جج نصرت صدیقی نے این سی سی آئی اے کی درخواست پر سماعت کی۔ دورانِ سماعت عدالت نے ہدایت کی کہ جیل ٹرائل کے لیے متعلقہ اجازت حاصل کرنے کی غرض سے ہوم ڈیپارٹمنٹ سے رجوع کیا جائے۔
یہ بھی پڑھیں:لاہور ہائی کورٹ کا بڑا فیصلہ، سیشن جج کے اختیارات محدود
سماعت کے موقع پر مقدمے میں نامزد فلک جاوید کو حاضری کے لیے عدالت میں پیش کیا گیا، جبکہ این سی سی آئی اے کی جانب سے مقدمے کا چالان پہلے ہی عدالت میں جمع کرایا جا چکا ہے۔
عدالت نے مزید کارروائی کے لیے مرکزی مقدمے کی سماعت 10 ستمبر تک ملتوی کر دی۔
