خانیوال (پنجاب پوسٹ) کبیروالا عبدالحکیم موٹر وے پر ٹریفک حادثہ ، آئل ٹینکر اور کار میں تصادم کے نتیجے میں ایک شخص جانبحق جبکہ تین افراد زخمی ہو گئے ، زخمیوں کو فوری طور پر مقامی ہسپتال منتقل کر دیا گیا ۔
کبیروالا عبدالحکیم کے قریب ایم فور پر آئل ٹینکر اور کار کے درمیان تصادم کے نتیجے میں ایک شخص جانبحق ہو گیا ہے جبکہ تین افراد زخمی ہیں ۔ کار سوار لاہور سے مظفر گڑھ جا رہے تھے جو عبدالحکیم کے قریب ٹینکر سے ٹکرا گئی ۔
جاں بحق کی شناخت 75 سالہ اسماعیل سکنہ مظفر گڑھ کے نام سے ہوئی جبکہ زخمیوں میں 48 سالہ محمد فہیم , 36 سالہ محمد شعیب اور 22 سالہ احمد شامل ہیں ۔ اطلاع ملتے ہی ریسکیو 1122 نے زخمیوں کو ابتدائی طبی امداد کے بعد مقامی ہسپتال منتقل کر دیا ہے ۔
