اوکاڑہ(پنجاب پوسٹ) ڈی ایچ کیو ہسپتال میں سیکیورٹی گارڈ نے عامر نامی سینٹری ورکر کو اسٹریچر پر ٹربائن کی موٹر اتار کر باہر لیجاتے ہوئے رنگے ہاتھوں پکڑ لیا۔
شہریوں نے شکایت کی کہ ہسپتال میں آئے مریضوں کو اسٹریچر جیسی سہولیات میسر نہیں اور مانگنے پر گھنٹوں انتظار کرنا پڑتا ہے جبکہ یہ استعمال کا سامان اور قیمتی ٹربائن کے پرزہ جات کو ہسپتال سے باہر لی جانے کیلئے استعمال کیا جا رہا ہے۔
یہ بھی پڑھیں: فیصل آباد میں اندھے قتل کا سراغ پنجاب پولیس نے کیسے لگایا؟
ہسپتال کی انتظامیہ کا کہنا ہے کہ سینٹری ورکر کے خلاف مقدمہ درج کروانے کیلئے کارروائی کا آغاز کردیا گیا ہے جبکہ ہسپتال میں اس سے پہلے بھی کئی قیمتی چیزوں کے چوری ہونے کا انکشاف ہوا ہے۔
