لاہور (پنجاب پوسٹ) دو غیر ملکی خواتین کے اغوا اور زیادتی کے مقدمے میں عدالت نے تین ملزمان رضوان، نواز اور ناصر کو مزید چار روزہ جسمانی ریمانڈ پر پولیس کے حوالے کر دیا۔
جوڈیشل مجسٹریٹ اظہر محمود نے کیس کی سماعت کی۔ تفتیشی افسر نے تینوں ملزمان کو عدالت میں پیش کرتے ہوئے جسمانی ریمانڈ کی استدعا کی۔
مزید پڑھیں: غیر ملکی خواتین ذیادتی کیس: ملزمان چار روزہ جسمانی ریمانڈ پر پولیس کے حوالے
دورانِ سماعت عدالت نے استفسار کیا کہ اب تک ملزمان سے کیا برآمد کیا گیا ہے۔ سرکاری وکیل نے بتایا کہ ملزم رضوان اور ناصر سے اسلحہ برآمد ہو چکا ہے، جبکہ ملزم نواز سے اسلحہ کی برآمدگی ابھی باقی ہے۔
تفتیشی افسر کے مطابق ملزمان سے رقم، جیولری اور گھڑی بھی برآمد کرنا مقصود ہے، جس کے لیے مزید جسمانی ریمانڈ درکار ہے۔ عدالت نے دلائل سننے کے بعد تینوں ملزمان کو مزید چار روزہ جسمانی ریمانڈ پر پولیس کے حوالے کر دیا۔
