لاہور(پنجاب پوسٹ) پنجاب بار کونسل نے محکمہ مال کے نئے آن لائن مقدماتی نظام کے خلاف 16 جولائی کو پنجاب بھر میں مکمل ہڑتال کا اعلان کر دیا ہے۔
پنجاب بار کونسل کی جانب سے جاری اعلامیے کے مطابق ہڑتال کے دوران صوبے بھر کے وکلا عدالتوں میں پیش نہیں ہوں گے اور عدالتی کارروائی کا بائیکاٹ کریں گے۔
بار کونسل نے حکومت سے ریونیو کیس مینجمنٹ سسٹم کا نوٹیفکیشن واپس لینے کا مطالبہ کرتے ہوئے مؤقف اختیار کیا ہے کہ نئے نظام پر وکلا کے تحفظات دور کیے جائیں۔
سیکرٹری پنجاب بار کونسل کی جانب سے ہڑتال کی کال کا باضابطہ اعلامیہ بھی جاری کر دیا گیا ہے۔
