چشتیاں(پنجاب پوسٹ) میں ایک سال قبل لاپتا ہونے والی خاتون کی لاش گھر کے صحن سے برآمد ہونے کے بعد پولیس نے مقتولہ کے شوہر کو گرفتار کر لیا۔ پولیس کے مطابق واقعہ تھانہ شہر فرید کی حدود بستی عاشق محمد میں پیش آیا، جہاں تفتیش کے دوران انکشاف ہوا کہ مقتولہ نصرت بی بی کو مبینہ طور پر اس کے شوہر نے قتل کر کے لاش گھر کے صحن میں دفن کر دی تھی۔ پولیس نے ملزم کو حراست میں لے کر مزید تحقیقات شروع کر دی ہیں۔
یہ بھی پڑھیں:ون وے کی خلاف ورزی، دو مشکوک افراد کی پولیس پر فائرنگ کرنے والے کون نکلے؟
پولیس کے مطابق ملزم نے گزشتہ سال اپنی بیوی کے اغوا کا جھوٹا مقدمہ بھی درج کروایا تھا تاکہ قتل کو چھپایا جا سکے۔ مقتولہ نصرت بی بی چار بچوں کی ماں تھی۔ ضروری قانونی کارروائی کے بعد لاش کو پوسٹ مارٹم کے لیے ہسپتال منتقل کر دیا گیا ہے، جبکہ پولیس کا کہنا ہے کہ واقعے کے تمام پہلوؤں پر مزید تفتیش جاری ہے۔
