لاہور( پنجاب پوسٹ)وزیر اطلاعات پنجاب عظمیٰ بخاری نے کہا ہے کہ گرین الیکٹرک بسیں پنجاب میں ٹرانسپورٹ کے شعبے میں انقلاب لائی ہیں اور الیکٹرک بسوں کی ڈیمانڈ میں تیزی سے اضافہ ہو رہا ہے۔
اپنے بیان میں عظمیٰ بخاری نے کہا کہ ہر شہر کے لوگ مریم نواز سے خواہش کا اظہار کر رہے ہیں کہ ان کے شہر میں بھی الیکٹرک بسیں چلائی جائیں۔ انہوں نے کہا کہ پنجاب کی 147 تحصیلوں میں جلد الیکٹرک بسیں چلتی نظر آئیں گی۔
یہ بھی پڑھیں : مریم نواز کی ایک لاکھ ای بائیکس، آخر کون سے طلبہ اس سکیم کے اہل ہوں گے؟
وزیر اطلاعات نے کہا کہ پنجاب کے تمام اضلاع میں اس وقت 1100 الیکٹرک بسیں چل رہی ہیں، جبکہ الیکٹرک بسوں سے روزانہ لاکھوں افراد معیاری اور سستی سفری سہولت سے مستفید ہو رہے ہیں۔
عظمیٰ بخاری نے کہا کہ گرین بسوں کے ساتھ گرین ٹریکٹرز اور الیکٹرک بائیکس کی تقسیم کا سلسلہ بھی تیزی سے جاری ہے۔
یہ بھی پڑھیں : کیا الیکٹریک بس سروس اب پورے پنجاب میں چلے گی؟
انہوں نے کہا کہ کسان اور نوجوان مریم نواز کی ترجیحات میں سرفہرست ہیں اور مریم نواز اپنے ہر پروجیکٹ میں نوجوانوں کو پہلی ترجیح دیتی ہیں۔ اسی لیے نوجوان طبقے میں مریم نواز کی مقبولیت تیزی سے بڑھ رہی ہے۔
عظمیٰ بخاری نے مزید کہا کہ کارکردگی، گڈ گورننس اور میرٹ میں پنجاب کا کسی صوبے سے کوئی موازنہ نہیں ہے۔
