این ڈی ایم اے نے آئندہ 12 سے 24 گھنٹوں کے دوران ملک کے بیشتر علاقوں میں تیز ہواؤں، گرج چمک کے ساتھ بارش اور بعض مقامات پر ژالہ باری کا الرٹ جاری کر دیا ہے۔
مزید پڑھیں: لاہور میں بارش: واسا کی غفلت پر وزیر ہاؤسنگ پنجاب برہم، فیلڈ میں فوری موجودگی کا حکم
محکمہ موسمیات کے مطابق اسلام آباد اور پنجاب کے مختلف اضلاع میں تیز ہواؤں اور گرج چمک کے ساتھ بارش جبکہ چند مقامات پر ژالہ باری کا امکان ہے۔ مری، راولپنڈی، اٹک، چکوال، جہلم، سیالکوٹ، گجرات، گوجرانوالہ، نارووال اور منڈی بہاؤالدین میں بارش متوقع ہے۔ اسی طرح لاہور، فیصل آباد، سرگودھا، ساہیوال اور اوکاڑہ میں بھی بارش اور آندھی کی پیشگوئی کی گئی ہے۔
