بہاولنگر (پنجاب پوسٹ) بہاولنگر کے علاقے چک فتویرا میں زمین کے تنازع پر دو گروپوں کے درمیان تصادم کے نتیجے میں خاتون سمیت 5 افراد زخمی ہوگئے۔ زخمیوں میں 17 سالہ محمد مزمل، 38 سالہ امتیاز اور 30 سالہ آفتاب شامل ہیں۔
تصادم کے دوران 29 سالہ فخران بی بی اور 72 سالہ شینے خان بھی زخمی ہوئے۔ واقعے کی اطلاع ملتے ہی ریسکیو اہلکار موقع پر پہنچ گئے اور زخمیوں کو ابتدائی طبی امداد فراہم کی۔
ریسکیو ٹیم نے تمام زخمیوں کو مزید علاج معالجے کے لیے ڈسٹرکٹ ہیڈ کوارٹرز ہسپتال بہاولنگر منتقل کردیا۔
