لاہور(پنجاب پوسٹ) لاہور میں این سی سی آئی اے کی بھرتی کے لیے فزیکل ٹیسٹ کے دوران اصل امیدواروں کی جگہ دوڑنے والے دو افراد کو گرفتار کر لیا گیا۔
ایلیٹ ٹریننگ سینٹر میں راشد اور وارث نامی ملزمان نے مبینہ طور پر اصل امیدواروں کی جگہ دوڑ میں حصہ لیا۔ ملزمان کے خلاف تھانہ ہیئر میں مقدمہ درج کر کے پاکستان پینل کوڈ کی دفعات 419 اور 420 کے تحت کارروائی شروع کر دی گئی۔
ایڈیشنل ڈائریکٹر عاطف امیر کے مطابق بھرتی کا عمل مکمل میرٹ اور شفافیت کے ساتھ جاری ہے، جعل سازی کسی صورت برداشت نہیں کی جائے گی۔
