سرگودھا(پنجاب پوسٹ) کنٹونمنٹ بورڈ کا غیر قانونی تعمیرات کے خلاف کریک ڈاؤن شروع ہو گیا۔ ریڈ زون سمیت مختلف علاقوں میں کارروائیاں کی گئیں۔
سرگودھا کنٹونمنٹ بورڈ نے سی ای او مخدوم ارسلان حیدر ہاشمی کی ہدایت پر غیر قانونی تعمیرات کے خلاف کریک ڈاؤن تیز کر دیا ہے۔
بلڈنگ کنٹرول سیل اور انفورسمنٹ ٹیموں نے احمد جی ٹاؤن، غفور ٹاؤن، اقبال ٹاؤن، چک 78 اور باجوہ کالونی میں کارروائی کرتے ہوئے بلڈنگ پلانز کی خلاف ورزی پر قانونی کارروائی کی۔
سی ای او مخدوم ارسلان حیدر ہاشمی نے کہا کہ غیر قانونی تعمیرات کے خلاف بلاامتیاز کارروائی جاری رہے گی، تاکہ تعمیراتی ضوابط کی پاسداری، شہری نظم و ضبط اور قانون کی حکمرانی برقرار رہے۔
