لاہور (پنجاب پوسٹ) پولیس نے گلیوں،چوراہوں میں موثر پٹرولنگ جاری کر نے کا فیصلہ کر لیا ہے۔ سرراہِ خواتین سے پرس چھین کر فرار ہونے والے 02 ملزمان گرفتار ہو گئے۔ترجمان ڈی آئی جی آپریشنز کے مطابق ملزمان کی شناخت علی اقرار،افتخار کے نام سے ہوئی۔
ساندہ پولیس نے سی سی ٹی وی فوٹیجز کی مدد سے ملزمان کو گرفتار کر لیا۔ملزمان گلی،محلوں میں خواتین کو قیمتی اشیاء سے محروم کردیتے تھے۔ملزمان کی گرفتاری کیلئے نجی سی سی ٹی وی کیمروں کی درجنوں ویڈیوز کو چیک کیا گیا۔گرفتار ملزمان سے واردات میں استعمال ہونے والاموٹر سائیکل، پسٹل اور گولیاں برآمد ہوئیں۔
یہ بھی پڑھیں:کوٹلی ستیاں میں خلع کے نوٹس پر شوہر کا بیوی اور بیٹے پر حملہ، دونوں زخمی، ملزم فرار
ڈی آئی جی آپریشنز فیصل کامران کے مطابق خواتین معاشرے کا اہم ستون، تحفظ یقینی بنارہے ہیں۔بچوں و خواتین سے متعلق جرائم میں کسی بھی رعایت کے متحمل نہیں ہوسکتے۔خواتین اور بچوں کو کمزور سمجھنے والوں سے سختی سے نمٹا جائیگا۔
