لاہور (پنجاب پوسٹ) لاہور پولیس نے رواں سال منشیات فروشوں کے خلاف کارروائی کرتے ہوئے 6313 ملزمان کو گرفتار کر لیا اور 6092 مقدمات درج کر لیے۔
ترجمان لاہور پولیس کے مطابق گرفتار ملزمان کے قبضہ سے2300 کلو چرس،750کلو آئس اور113 کلو ہیروئن برآمد ہوئی ۔ کارروائیوں کے دوران481 کلو بھنگ،59 کلو افیون اور26 ہزار لیٹر سے زائد شراب بھی برآمد ہوئی۔
سی سی پی او لاہور کا کہنا ہے کہ ہم منشیات سے پاک لاہور کے لیے پُرعزم ہیں اور منشیات کی خرید و فروخت اورسپلائی چین کے خاتمے کے لیے کارروائیاں جاری رکھی جائیں۔
سی سی پی او لاہور نے تعلیمی اداروں اور ہاسٹلز کے گردونواح میں انٹیلی جنس بیسڈ آپریشنز مزیدتیز کرنے کا حکم دے دیا ہے اور کہا ہے کہ نوجوانوں کے مستقبل سے کھیلنے والے معاشرے کا ناسور ہیں، انہیں قانون کے کٹہرے میں لایا جائے گا۔
