لاہور (پنجاب پوسٹ) لاہور کے علاقے تھانہ ملت پارک کی حدود میں تیز رفتار کار کی ٹکر سے موٹر سائیکل سوار باپ بیٹی حادثے کا شکار ہو گئے، حادثے میں 10 سالہ بچی جاں بحق جبکہ اس کا والد شدید زخمی ہو گیا۔
تفصیلات کے مطابق نیشنل بینک کالونی گیٹ کے سامنے تیز رفتار کار نے موٹر سائیکل کو ٹکر مار دی، جس کے نتیجے میں 10 سالہ بچی موقع پر ہی جاں بحق ہو گئی جبکہ اس کا والد اعجاز شدید زخمی ہو گیا۔
حادثے کی اطلاع ملتے ہی پولیس موقع پر پہنچ گئی اور کار سوار کو گرفتار کر لیا۔ زخمی اعجاز کو تشویشناک حالت میں قریبی اسپتال منتقل کر دیا گیا جبکہ جاں بحق بچی کی لاش مردہ خانے منتقل کر دی گئی۔
پولیس نے واقعے کی مزید تحقیقات شروع کر دی ہیں۔
