لاہور (پنجاب پوسٹ) ابو ظہبی ٹی ٹین لیگ میں شرکت کے لیے قومی کرکٹرز پاکستان کرکٹ بورڈ (پی سی بی) کے این او سی کے منتظر ہیں، تاہم تاحال کھلاڑیوں کو این او سی جاری نہیں کیے جا سکے، جس کے باعث کرکٹرز پریشانی کا شکار ہیں۔
ذرائع کے مطابق ابو ظہبی ٹی ٹین لیگ 7 سے 20 نومبر تک کھیلی جائے گی، جس میں فخر زمان، افتخار احمد، نسیم شاہ، فہیم اشرف، سفیان مقیم اور عباس آفریدی سمیت متعدد پاکستانی کھلاڑی مختلف ٹیموں کا حصہ ہیں۔
ان کے علاوہ حسن نواز، علی رضا، اعظم خان، خواجہ نافع، عاکف جاوید، سلمان ارشاد، خوش دل شاہ اور حیدر علی بھی لیگ میں شرکت کریں گے۔
ذرائع کا کہنا ہے کہ لیگ کی ٹیموں نے قومی کرکٹرز سے رابطہ کرکے انہیں جلد از جلد این او سی حاصل کرنے کا کہا ہے۔ دوسری جانب این او سی جاری نہ ہونے کی صورت میں ٹیمیں پاکستانی کھلاڑیوں کے متبادل تلاش کریں گی۔
