سرائے عالمگیر: ( پنجاب پوسٹ ) تھانہ بولانی کے علاقے پنڈ عزیز میں کچن کے اندر گیس پائپ لیکج کے باعث آگ بھڑک اٹھی، جس کے نتیجے میں دو خواتین سمیت ایک ہی گھر کے تین افراد شدید جھلس گئے۔ ریسکیو ذرائع کے مطابق دودھ گرم کرنے کے لیے چولہا جلانے کی کوشش جان لیوا ثابت ہوئی۔
ریسکیو حکام کے مطابق گھر کے کچن میں گیس پائپ سے لیکج ہو رہی تھی۔ دودھ گرم کرنے کے لیے جیسے ہی چولہا جلایا گیا، آگ اچانک بھڑک اٹھی اور لمحوں میں کچن میں موجود افراد کو اپنی لپیٹ میں لے لیا۔ریسکیو ذرائع کے مطابق واقعے میں تین افراد مجموعی طور پر شدید جھلسے ہیں۔ زخمیوں کی تفصیلات درج ذیل ہیں:
- 25 سالہ ذہین فاطمہ: 80 فیصد تک جھلس گئیں
- 38 سالہ تصور حسین: 40 فیصد تک جھلس گئے
- 35 سالہ صائمہ نورین: 30 فیصد تک جھلس گئیں
ریسکیو ٹیمیں اطلاع ملتے ہی موقع پر پہنچ گئیں اور زخمیوں کو طبی امداد کے لیے ہسپتال منتقل کیا گیا۔
