کھاریاں (پنجاب پوسٹ) 27 اکتوبر یومِ سیاہ کے موقع پر تحصیل انتظامیہ اور میونسپل کمیٹی کھاریاں کے زیر اہتمام واک کا انعقاد کیا گیا، جس کا مقصد کشمیری عوام کے ساتھ اظہارِ یکجہتی کرنا اور مقبوضہ جموں و کشمیر پر بھارتی قبضے کے خلاف آواز بلند کرنا تھا۔
اس موقع پر کشمیری عوام کی جدوجہدِ آزادی اور حقِ خودارادیت کی حمایت کا اعادہ کیا گیا۔ واک کے ذریعے عالمی برادری کی توجہ مسئلہ کشمیر کی جانب مبذول کروانے اور کشمیری عوام کے ساتھ یکجہتی کا پیغام دیا گیا۔
