ساہیوال(پنجاب پوسٹ) ساہیوال میں نارکوٹکس کنٹرول اسٹیشن نے منشیات کے خلاف کارروائی کرتے ہوئے 46 کلو گرام سے زائد منشیات برآمد کر لی۔ کارروائی پاکپتن چوک بائی پاس کے علاقے میں کی گئی، جہاں ملزمان منشیات سے بھری شہ زور گاڑی چھوڑ کر فرار ہو گئے۔
یہ بھی پڑھیں: سرگودھا پولیس کا کریک ڈاؤن، 32 اشتہاری مجرمان سمیت 45 ملزمان گرفتار
حکام کے مطابق گاڑی سے 42.5 کلو گرام سے زائد چرس اور 3.5 کلو گرام سے زائد افیون برآمد ہوئی۔ گاڑی کو قبضے میں لے کر انسدادِ منشیات قوانین کے تحت مقدمہ درج کر لیا گیا ہے، جبکہ ملزمان کی تلاش اور مزید قانونی کارروائی جاری ہے.
