حافظ آباد (پنجاب پوسٹ) حافظ آباد کے نواحی علاقے کولو تارڑ میں گھریلو لڑائی جھگڑے اور زرعی زمین کے تنازع پر مبینہ طور پر کلہاڑیوں کے وار سے دو افراد جاں بحق ہو گئے۔ جاں بحق ہونے والوں میں محمد صدیق اور ان کے دوست نذیر شامل ہیں۔ واقعہ تھانہ ونیکے تارڑ کی حدود میں پیش آیا۔
یہ بھی پڑھیں: میاں چنوں: تھانہ تلمبہ پولیس کی کاروائی ، مبینہ زیادتی کےمقدمے میں ملزم گرفتار
ڈی پی او حافظ آباد فواد احمد نے واقعے کا نوٹس لیتے ہوئے رپورٹ طلب کر لی اور ملزمان کی فوری گرفتاری کے احکامات جاری کر دیے۔ پولیس اور فرانزک ٹیموں نے جائے وقوعہ سے شواہد اکٹھے کرنا شروع کر دیے ہیں، جبکہ مقتولین کی لاشیں پوسٹ مارٹم کے لیے ڈی ایچ کیو ہسپتال منتقل کی جا رہی ہیں۔
پولیس کے مطابق واقعے کی تحقیقات جاری ہیں اور ملزمان کی گرفتاری کے لیے کارروائی کی جا رہی ہے۔ پولیس کا کہنا ہے کہ ملزمان کو گرفتار کرکے قانون کے کٹہرے میں لایا جائے گا۔
