لاہور ہائیکورٹ: چھ مبینہ جعلی رجسٹریوں کا معاملہ، جھنگ کے سب رجسٹرار اور رجسٹری محرر کی درخواست ضمانت سماعت کے لیے مقرر

لاہور (پنجاب پوسٹ) ہائیکورٹ نے جھنگ میں چھ مبینہ جعلی رجسٹریاں درج کرنے کے مقدمے میں سب رجسٹرار محبوب الٰہی اور رجسٹری محرر تاج محمد کی درخواست ضمانتیں سماعت کے لیے مقرر کر دی ہیں۔ چیف جسٹس لاہور ہائیکورٹ عالیہ نیلم درخواستوں پر سماعت کریں گی۔

درخواست گزاروں کے وکیل کے مطابق جھنگ میں چھ جعلی رجسٹریاں درج کرنے کے الزام میں مقدمہ درج کیا گیا، جبکہ اینٹی کرپشن نے انکوائری کے بعد 2020 میں ایف آئی آر درج کی۔

یہ بھی پڑھیں:پتھر پیسنے والی فیکٹریوں میں کام کرنے والے 184 مزدور پھیپھڑوں کی لاعلاج بیماری سے ہلاک، لاہور ہائیکورٹ نے محکمہ لیبر سے ادائیگیوں کی تفصیلات طلب کرلیں

وکیل نے مؤقف اختیار کیا کہ درخواست گزار اس دوران اپنی ڈیوٹی سرانجام دیتے رہے اور اب انہیں اس مقدمے میں ملوث کیا گیا ہے۔درخواست گزاروں کے وکیل نے مؤقف اختیار کیا کہ ان کے مؤکلوں کا مقدمے سے کوئی تعلق نہیں، لہٰذا عدالت ان کی عبوری ضمانتیں کنفرم کرے۔

یہ بھی پڑھیں:لڑکی 18 سال کی تھی تو رپورٹ میں 15 سال کیوں لکھی؟ پسند کی شادی کے کیس میں لاہور ہائیکورٹ تفتیشی افسر پر برہم