گوجرانوالہ: پانچویں جماعت کے طالب علم پر تشدد، پولیس کا ایکشن، اسکول ٹیچر گرفتار

گوجرانوالہ (پنجاب پوسٹ) تھانہ واہنڈو کے علاقے میں پانچویں جماعت کے طالب علم پر اسکول ٹیچر کے مبینہ تشدد کے واقعے پر سی پی او ڈاکٹر سردار غیاث گل خان نے سخت نوٹس لیتے ہوئے قانونی کارروائی کا حکم دے دیا۔

یہ بھی پڑھیں: گوجرانوالہ پولیس کے 20 اہلکار ملازمت سے برطرف، کرپشن میں ملوث 2 سب انسپکٹرز کو تنزلی دے کر اے ایس آئی بنا دیا گیا

پولیس ترجمان کے مطابق واہنڈو پولیس نے مقدمہ درج کرکے ملزم ٹیچر کو گرفتار کر لیا ہے۔

سی پی او ڈاکٹر سردار غیاث گل خان نے کہا کہ مقدمے کی تفتیش میرٹ پر کرتے ہوئے ملزم کو قرار واقعی سزا دلوائی جائے گی۔ خواتین اور بچوں کا تحفظ گوجرانوالہ پولیس کی اولین ترجیح ہے۔