سرگودھا (پنجاب پوسٹ) بھلوال کراچی کپڑا منڈی مین بازار میں دکان کے ایک ملازم پر نامعلوم افراد نے چاقوؤں کے وار کرکے اسے شدید زخمی کر دیا۔ زخمی کو ابتدائی طبی امداد کی فراہمی کے بعد تشویشناک حالت کے پیشِ نظر ڈی ایچ کیو ہسپتال سرگودھا ریفر کر دیا گیا۔ واقعے کے بعد شہریوں میں تشویش کی لہر دوڑ گئی ہے۔
شہریوں کی جانب سے سوالات اٹھائے جا رہے ہیں کہ شہر میں امن و امان کی صورتِ حال کو بہتر بنانے اور شہریوں کے جان و مال کے تحفظ کو یقینی بنانے کے لیے مزید مؤثر اقدامات کب کیے جائیں گے۔ عوامی حلقوں نے متعلقہ حکام سے مطالبہ کیا ہے کہ واقعے کی شفاف تحقیقات کی جائیں اور ذمہ داران کو قانون کے کٹہرے میں لایا جائے تاکہ شہری خود کو محفوظ محسوس کر سکیں۔
یہ بھی پڑھیں:سیالکوٹ: بیوی کو مبینہ تشدد سے قتل کرنے کے مقدمے میں نامزد شوہر گرفتار
