لاہور(پنجاب پوسٹ) شاہدرہ میٹرو بس اسٹیشن کے قریب سپیڈو بس اور میٹرو بس کے درمیان ٹکر کا واقعہ پیش آیا، تاہم حادثے میں دو خواتین زخمی ہو گئی ہیں جنہیں ابتدائی طبی امداد دے دی گئی ہے۔
حادثے کے باعث موقع پر کچھ دیر کے لیے ٹریفک کی روانی متاثر ہوئی۔ متعلقہ عملے نے موقع پر پہنچ کر صورتحال کا جائزہ لیا اور بسوں کو راستے سے ہٹانے کے اقدامات کیے۔ لاہور میٹرو بس لائن گجومتہ سے شاہدرہ تک 27 کلومیٹر پر محیط ہے۔
حادثے کی وجوہات جاننے کے لیے متعلقہ حکام کی جانب سے بسوں کا معائنہ کیا جا رہا ہے، جبکہ واقعے سے متعلق مزید تفصیلات سامنے آنے پر صورتحال واضح ہو سکے گی۔
