لاہور (پنجاب پوسٹ) قومی کرکٹر محمد رضوان نیشنل سائبر کرائم انویسٹی گیشن اتھارٹی (این سی سی آئی اے) میں پیش ہوگئے۔محمد رضوان کو ضابطہ فوجداری کے سیکشن 160 کے تحت نوٹس کیا گیا تھا۔لمحمد رضوان کو ضبط شدہ ڈیوائس کے فارنزک معائنے اور تجزیے کے لیے تعاون طلب کیا گیا تھا۔محمد رضوان این سی سی آئی اے میں پیشی کے موقع پر صحافیوں کے سوالوں کا جواب دیئے بغیر مسکراتے ہوئے چلے گئے۔
یہ بھی پڑھیں:ایشین گیمز: والی بال میں ایران پاکستان کو شکست دے کر فائنل میں پہنچ گیا
ذرائع کے مطابق این سی سی آئی اے کی چار رکنی ٹیم محمد رضوان سے سوالات کرے گی، این سی سی آئی اے کی تحقیقاتی ٹیم میں ایک ڈپٹی ڈائریکٹر اور تین انسپکٹر شامل ہیں۔یاد رہے کہ محمد رضوان اس سے پہلے بھی این سی سی آئی اے میں پیش ہو چکے ہیں۔ این سی سی آئی اے نے محمد رضوان کو موبائل فون کے فارنزک اور تجزیے کے لیے نوٹسز بھی جاری کیے ہیں۔
