رحیم یار خان(پنجاب پوسٹ) واٹر اینڈ سینیٹیشن اتھارٹی (واسا) نے شیخ زاید ہسپتال کو واٹر اور سیوریج ٹیکس کی مد میں ایک کروڑ 46 لاکھ روپے کے بقایاجات کی ادائیگی کا نوٹس جاری کر دیا ہے۔
واسا ذرائع کے مطابق ہسپتال کے ذمے واٹر اینڈ ٹیکنیشن سیوریج ٹیکس کی مد میں مذکورہ رقم واجب الادا ہے، جس کی وصولی کے لیے ہسپتال انتظامیہ کو باقاعدہ مطالبہ نوٹس بھیجا گیا ہے۔
ہسپتال کے ترجمان ڈاکٹر الیاس نے بتایا کہ واسا حکام کی جانب سے بل موصول ہونے پر سیکرٹری ہیلتھ کو مراسلہ لکھ کر صورتحال سے آگاہ کر دیا گیا ہے۔ ان کا کہنا تھا کہ سیکرٹری ہیلتھ کی جانب سے فیصلہ آنے کے بعد ہی بل کی ادائیگی کی جائے گی۔
