سیالکوٹ: کوئی بھی پرواز جموں ائیرپورٹ پر لینڈ نہیں ہوئی، میڈیا نے جھوٹی خبریں چلائیں

سیالکوٹ (پنجاب پوسٹ) سیالکوٹ انڑنیشنل ائرپورٹ کی جانب سے قطر ائرلائن کی پرواز بارے غلط اور گمراہ کن خبروں کی تردید اور باقاعدہ وضاحت کی گئی ہے کہ دوحہ سے پاکستان سیالکوٹ آنے والی قطر ائرلائن کی پرواز 27ستمبر کو الصباح سیالکوٹ اتری اور اپنے شیڈول شدہ وقت کے مطابق دوبارہ دوحہ کیلئے اڑان بھری۔

یہ بھی پڑھیں: لاہور میں گزشتہ 24 گھنٹوں میں 1518 انسپکشنز، 74,500 روپے کے جرمانے عائد

ترجمان سیالکوٹ انٹرنیشنل ایئرپورٹ محمد عمیر خان نجی سافٹ وئر فلائٹ ریڈار 24 میں تکنینی خرابی اور جی پی ایس کی غلط انفارمیشن کی وجہ سے اس مخصوص فلائٹ کو غلط بتایا اور دیکھایا گیا۔ قطر سے سیالکوٹ آنے والی پرواز نے جموں بھارت نہیں بلکہ سیالکوٹ انٹرنیشنل ایرپورٹ، پاکستان پر لینڈ کیا۔ جسکی تصدیق پاکستان ائرپورٹ اتھارٹی ریڈار سسٹم سے بھی کی جاسکتی ہے۔