لاہور (پنجاب پوسٹ) گوالمنڈی اور راوی روڈ پولیس نے بروقت کارروائی کرتے ہوئے گھر والوں سے بچھڑنے والے دو بچوں کو بحفاظت والدین کے حوالے کر دیا۔
چوکی سبزی منڈی پولیس نے لاوارث حالت میں ملنے والے 12 سالہ فیضان کو تلاش کے بعد اس کے ورثاء سے ملا دیا۔ دوسری کارروائی میں گوالمنڈی میو ہسپتال پولیس نے 15 کال پر فوری ریسپانس کرتے ہوئے 4 سالہ ذوہیب کو چند گھنٹوں کی کاوش کے بعد بحفاظت اس کی والدہ کے سپرد کر دیا۔
پولیس کے مطابق ذوہیب اپنی والدہ کے ہمراہ میو ہسپتال آیا تھا جہاں سے وہ لاپتہ ہوگیا تھا۔ بچوں کے بحفاظت ملنے پر والدین نے لاہور پولیس کا شکریہ ادا کیا۔
ایس پی سٹی ارشد حیات کانجو کا کہنا ہے کہ عوام الناس کے جان و مال کی حفاظت لاہور پولیس کی اولین ذمہ داری ہے۔
